Jenske klompenboer

Ik hedde Jenske klompenboer
‘k won ginder in de hei
Ik heb een peerd, drei verkens nog
twee könkes in de wei
Mear ik bin nog nig etrouwd
en das wa wat benauwd
Mear ik bin nog nig etrouwd etrouwd
En das wa wat benauwd

Geen een dee mie de hosen stopt
Wel keert bie mie de del
Geen een dee mie de bruggen smeart
Ik bin nog vriejgezel

Ik hedde Jenske klompenboer
‘k won in de hei alleen
Mangs kump mie Loeksboer’s Meij veurbie
Mear dan wil ze mie nich seen
En zei ik dan gedag
dan hear ik niks as nen lach
Mear zei ik dan gedag gedag
dan hear ik niks as nen lach

Leats reup ik: Meijke, loster is
Toe hear noe is noar mie
Doe bis zonne flinke boerendeern
En ik hol zo völ van die
Toe Meijke denk is noa
en zei dan gauw van Joa
Toe Meijke denk es noa es noa
en zei dan gauw van joa

Ik wil een wief dat warken wil
Dat ’s morgens vroog op steet
Dat as de zun deur ’t venster glup
de beeste melken geet
Dee kaant en botter maakt
en zorgt dat ze lekker smaakt
Dee kaant dee kaant en botter maakt
en zorgt dat ze lekker smaakt

Too bleef ze stoan en dreit zich um
en kik mie niedig an
Too zeg ze ach doe boerenslof
wat wets doe doar noe van
Nee döl ik mai die nich
Zeuk die mear ’n ander wich
Nee döl nee döl ik mai die nich
zeuk die mear ’n ander wich

Doe bis nen groten ossen ja
nen groten boeren sul
Doe wees verdreit nich ho ’t zich heurt
Doe bis nen groten nul
Too lee ze mie doar stoan
en zee is verder goan
To lee ze mie doar stoan doar stoan
en zee is verder goan

Ach is der dan geeneen van oe
dee Jenske hebben wil?
Ik bin zo moederzeel alleen
Och heer wat is ’t een spul
Der zeg geen een van joa
dan zal ik ok mear goan
Der zeg geen een van joa van joa
mear ik vroag ok nich mear noa