Home / Gedichten / Laandkruus

Laandkruus

Met dank aan A.M.G. Lesscher-Schasfoort voor het insturen van de tekst

2015

De kraant en plietsie waarschouwd ierderbod
leu hoalt oe hof en arf good in de gaten
onroad waart op ’t plattelaand
lös of vast, alns past die onverlaten.
Gereedschop, grösmeijers en fietsen
en ’t leefs ok nog zo good as niej
loeren, rap inlaad’n, n’n plon’n gas
en de hele operatie is al veurbiej.
De Molther Deenkelhook in de Lutt
was van ’t veurjoar ok an de beurt
op n’n duustern nag in de goeie wekke
gin boer of börger har iets ‘zeen of ‘heurt.

Het laandkruus in ’n gaffel van stroaten
wön’n van zien broonzen corpus ontdoan
en dat met de poasdagen veur de deure
de tweede moal raak in zien bestoan.
De eerste moal was ’t n’n eken beeld
’n kuunstwark, mooi zuuver antiek
’t devengilde zag t’r brood in
’n gemis veur noabers èn ’t fietsende publiek.

’n Heel’n hook was massaal van slag
mèr klook en nuchter as ze beent
‘wes is ewes’, wie mut wier vedan
en zo met mekoar ok gloepens eensgezeent.
Te hoop op pad dus met de pette roond
gin nood, ’n fluitje van ’n cent
’n darde corpus koomt’ d’r op
gin eek’n, gin broons mèr plestik cement.
Noe hoppe en birre wie met zien all’n
dat dit laandkruus veur oons noageslag
in lengte van daag’n in ere blif behold’n
veur ieders goadgoan en töt noadeank’n elk’n dag…

Niet wat je zoekt? Plaats een oproep!

Zelf een gedicht toevoegen

Terug naar overzicht

Maak uw keuze

Bekijk ook

Laandkruus

SeniorPlaza.nl

Menu

Interactie

Populair

Nieuwsbrief