Home / Liedjes / Höldt joen eigen taol in eer

Höldt joen eigen taol in eer

Schrijver: B.J. Vrieling
Op de melodie van: Alle man van Neerlands stam
Met dank aan Bob v.d. Brink voor het insturen van de tekst

Grönnegers van ’t echte ras,
Dei in Holland nou verkeeren,
Wilt joen taol toch nait verleeren;
’t Komt ja haildaal nait te pas!
Schaomen veur joen aigen taol,
’t is schandaol!
Denk d’r aan toch, aaltied weer:
Hôldt joen aigen taol in eer’ l

As ain aander ’t nait verstaait,
Wilt nait aigenwies dén wezen,
Praot dé net zoo as ie lezen,
Praot dén Hollandsch –aanders nait,
Moar as Grönn’gers mit mekaor,
Dat is klaor!
Praoten wie gain Hollandsch meer:
Hôlden aigen toal in eer’!

Waorom zol wie ’t ook nait doun:
Grönnens lezen, Grönnens praoten?
Huiven ’t veur gain mens te laoten:
’t Is nait striedig mit fesoun.
Dei dat maint, dei het glad mis.
Fiks en Frisch
Gaon wie tegen zuks te keer,
Hôlden aigen taol in eer’!

Grönnegers van ’t echte soort,
Grönn’gers will’ wie aaltied blieven,
Grönnens zingen, Grönnens schrieven,
‘k Geef mien haand en ‘k geef mien woord.
Jao, dei mooie Grönn’ger taol,
Haard as Staol.
Maar ook zacht, aandounelk, teer, —
‘k Hôl mien aigen taol in eer’!