Home / Liedjes / Schildlaidje

Schildlaidje

Schrijver: H.A. Almoes
Met dank aan Bob v.d. Brink voor het insturen van de tekst

’t Olle Schild, dat is wel ’t mooiste,
Dat er is in hail de buurt,
Daor te roeien vissen zailen,
’t Is of dag veul korter duurt,
Van Staindam nao Karpers- hutten,
Van de Keet nao Sans-Souci,
Hier wat vissen, daor wat dobbren,
Wat’s zoo’n dag toch gauw veurbie.

’n Beetje regen kenn’ wie tegen,
Wind maokt ons nait gauw benauwd,
Vissen vang’n wie soms haildik’n,
Maistal schröt en lutjegoud,
Maor hou ’t gait, ‘t is daor op ’t waoter,
Stil en rustig, roem en fris,
Dei d’r komen, zeggen almaol,
Dat het aibels mooi daor is.

Maor pas op veur Tatjehörn,
Want daor spoukt ’t op ’t olle Schild,
In de nacht bie harde störm,
Heur ais, hou ’t ol mins den gilt.,
Altied anders is ‘t erg rustig
Is het juust ’n mooie houk,
Kin je alle kaant oet kieken,
En – daor zit ’n hail bult snouk.

Trekt den toch nao ’t Schild tou minsen,
Aal dei holt van d’ ainzaomheid,
Gaot daor roeien, zeilen, vissen,
Hail allain — of mit joen meid,
D’r is gain ain dei joe komt steuren,
Schoef de boot maor tussen ’t rait,
Wat ie zeg’n ken nooit ain heuren,
En de vissen klikken nait.

Niet wat je zoekt? Plaats een oproep!

Zelf een liedje toevoegen

Terug naar overzicht

Maak uw keuze

Bekijk ook

Schildlaidje

SeniorPlaza.nl

Menu

Interactie

Populair

Nieuwsbrief