Home / Gedichten / Aêvendruste

Aêvendruste

Met dank aan Bei Cok voor het insturen van de tekst

Wannêêr den aêvend wee gaê vaalen
En ok de dagtaêk is gedaên
Dan kù je naê een dagje werken
Mie ’n goed gevoel nì ruus toe gaên

Is dan de maêltied of-elôôpen
En bin wee de gerdienen toe
Kù j’ op ’t gemaksje uut gaên blaêzen
In ’t zekelstoeltje; Je was moe

Je kùn je dan tevree-en voelen
Mie et verlôôp van dezen dag
Bie ’n knabbelt’j of een klein sigaartje
Bì je blie à j’ wee uutrussen mag

Naê nog wat televisie kieken
Of ’n spilletje doen op de Leptop
Een hoofdstuk in boeksje lezen
En dì-mie ou tet dan wee op

Je drienkt een pilsj` of ’n citroentje
En pel een neutje impersant
Je blaêr nog even in de krante
Mè dì vin j’òk niks intressant

Je gêêûw ’s een kêêr of wat en rekt dan
Je’n ermen nog is even uut
En kiekt nog even nì de klokke
En dienkt: Oe laête mòk er mergen uut?

Dan is den tied wee an-ekommen
Voe Betje Pluum en Riesje Tiek
En mergenochend gaêt ’t wee vadder
à je slaêp’rig op je wekker kiekt.

Niet wat je zoekt? Plaats een oproep!

Zelf een gedicht toevoegen

Terug naar overzicht

Maak uw keuze

Bekijk ook

Aêvendruste

SeniorPlaza.nl

Menu

Interactie

Populair

Nieuwsbrief