Home / Liedjes / Op scheuvels

Op scheuvels

Schrijver: G. Leeuwerke
Op de melodie van: Kent gij dat volk vol heldenmoed
Met dank aan Bob v.d. Brink voor het insturen van de tekst

Het vroor hail stief, slim glad was ’t ies,
De baon was mooi en braid,
En old en jong was van de wies
Warkte zok ducht in ’t zwait.
Ook Pait, mien olle vrund, wol scheuv’len,
Van ’t knaol naor Wildervank
Wol onder ’t rieden hail graog keuv’len,
Ans vol dei weg zoo lang,
Wait j’ wat hai zee,
Tegen snieders Kee?
Gao mit, laif wicht, en hol goud snee.

Zai zwierden aal mor hèn en weer,
De baon was haost te smal,
En Pait dei lachte keer op keer,
Verlaifdhaid muik hom wel.
Ook Kee, dei vond dat scheuv’len aordig,
Zai dee heur uuterst best,
En sneed er over o zoo staotig,
Tot ‘t ende kwam in ’t lest,
Hai traktaid’ heur,
Op fien likeur,
Nao ain tied, gong ‘t er weer van deur.

Pait zwierde weer mit ’t laive wicht,
Bai held’re maoneschain,
Tot hail gauw ’t Knaol weer in ’t zicht,
Wat vond hai ’t rieden fien.
In ’t lest wol hai mit heur wat gekken,
Mor zai har hail gain zin,
Zai zee: magst mie nog wel ais trekken,
As ‘k hail allene bin.
En mien vrund Pait,
Har bar verdrait,
Gong Kee weer scheuv’len… hai vast nait.

Niet wat je zoekt? Plaats een oproep!

Zelf een liedje toevoegen

Terug naar overzicht

Maak uw keuze

Bekijk ook

Op scheuvels

SeniorPlaza.nl

Menu

Interactie

Populair

Nieuwsbrief