Home / Liedjes / Zunnelaid

Zunnelaid

Schrijver: A.M.J. Deelma
Op de melodie van: Zonnelied van Cath. Van Rennes
Met dank aan Bob v.d. Brink voor het insturen van de tekst

Zai, hou het vrund’lukke zunlicht”,
Kikt deur heur kaomertje hen,
Zai, hou heur mooi en laif koppie,
Knikt hier ais evenpies hen;
Alderlaifst wichie, ik zee die ’t zoo licht,
Wat daor zoo daip in mien haart veur die ligt,
Aalderlaifst wichie, ja ‘k wil,
Zeggen, dat ‘k die hebben wil.

Maor ‘k gain woord’n om te zeggen,
Alderlaifst wichie an die,
‘k Vuil nou zoo baange mie worren,
Kom doe maor laiver bie mie,
Alderlaifst wichie, ik duur die nog nait.
Vraogen veur ’t leven, dat is mein verdrait,
Alderlaifst wichie, ik wacht,
Waist nait hou ik naor die smacht.

As ik den older bin worren,
En zeuventwintig ais ben,
Den kom ‘k, in zundagsche jaze,
Vraogen dien haart, haand en zin.
Alderlaifst wichie den heb ik wel moud,
Heb ik zoo laank op dien haart toch al bouwd,
Alderlaifst wichie, doe lachst,
‘k Wait ja, hou groag doe mie magst.

Den komt de zun in mien leven,
Alderlaifst wichie deur die,
Den schienen altied heur straolen,
Braid en gelökkig veur mie,
Alderlaifst wichie den smok ik dien mond,
’s Mörgens en ’s middags tot d’ aovend weer komt,
Alderlaifst wichie, ja ‘k wil,
Zeggen, dat ‘k die hebben wil.

Niet wat je zoekt? Plaats een oproep!

Zelf een liedje toevoegen

Terug naar overzicht

Maak uw keuze

Bekijk ook

Zunnelaid

SeniorPlaza.nl

Menu

Interactie

Populair

Nieuwsbrief