Schrijver: G. Teis P zn Op de melodie van: Kennst du das Land wo die Zitronen blûhn Met dank aan Bob v.d. Brink voor het insturen van de tekst
Kenstoe dat laand, waor ainmaol d’ haaide bluide,
Waor aanders niks as roege ruske gruide,
Waor aanders niks as krödde of schaophok ston,
En waor gain mens wat scharre of schoele von?
Kenstoe dat laand?
Daorhen, daorhen
Trekt mie mien haart
‘k Wol geern, mien jong, daorhèn!.
Kenstoe dat laand, waor snieboon in aole tieden,
Ain vlietig volkie trok van alle zieden,
En gong aan ’t waark en bonkte, gruif en huig,
Hen dieken, vuren gong en bonken kainholt sluig?
Kenstoe dat laand?
Daorhèn, daorhèn,
Trekt mie mien haart,
Mag ik mien jong, daorhèn.
Kenstoe dat laand, waor snieboon, tjaalk en schude,
Sikkom ’n ieder vult de buuste en de pude,
Waor split en grubbe, sloot en wiek en knaol,
Vol drokt’ en leven bin tot aan de bonde paol?
Kenstoe dat laand?
Daorhèn, daorhèn
Trekt hail mien haart,
Mien jong daor gao wie hèn
